|
Rafeyri afhendir CE merktar stýritöflur til Icefresh GmbH á mettíma |
|
Skrifað af: Davíð Hafsteinsson
|
|
Rafeyri afhenti á dögunum 8 stýritöflur á mettíma til dótturfyrirtækis Samherja í Cuxhaven, Icefresh GmbH. Töflurnar eru fyrir vinnslulínur í nýrri ferskfisk-verksmiðju félagsins í Frankfurt sem gangsett var nú í apríl 2012.
Í verksmiðjunni er allri nýjustu tækni við vinnslu og meðhöndlun á fiski beitt en vélarnar koma frá öllum helstu hátæknifyrirtækjum á Íslandi er framleiða vélar til fiskvinnslu.
Töflurnar eru allar CE merktar og uppfylla alla staðla er varða búnað sem notaður er til matvælaframleiðslu og öryggi starfsfólks. CE merkingin þýðir að lesa þarf í gegnum marga staðla og bera þá saman bæði við teikningar og handbækur. Síðast en ekki síst þarf töflusmíðin og prófanir á töflunum að uppfylla allar kröfur sem staðlarnir krefjast. Eru þetta fyrstu rafmagnstöflur sem Rafeyri smíðar og CE merkir en félagið hefur undanfarið unnið að CE merkingum á töflum fyrir fiskvinnsluvélar Vélfags á Ólafsfirði en sú vinna stytti okkur leiðina að CE merkingununni í þetta skipti verulega.
|
|
Nánar... |
|
|
Rafeyri hefur starfsemi á Húsavík |
|
Skrifað af: Davíð Hafsteinsson
|
|
Jónas Hreiðar Einarsson fyrsti starfsmaður Rafeyrar á Húsavík
Rafeyri hóf starfsemi á Húsavík þann 1. apríl síðastliðinn. Húsvíkingurinn Jónas Hreiðar Einarsson sem unnið hefur hjá Rafeyri Akureyri undanfarin ár ákvað að flytja aftur heim eftir að skólagöngu eiginkonu hans lauk á Akureyri. Jónas er rafmagnsiðnfræðingur með mikla reynslu sem nýst hefur afskaplega vel á Rafeyri frá því hann hóf störf þar.
Jónasi líkaði vel að vinna hjá Rafeyri og hafði áhuga á að halda því áfram þrátt fyrir að búa á Húsavík. Úr varð að hann inni áfram hjá Rafeyri í nýju útibúi á Húsavík. Rafeyri hefur fest kaup á iðnaðarbili í húsi sem Trésmiðjan Rein hyggst byggja sunnan við bæinn. Húsnæðið á að vera klárt í lok þessa árs en þangað til mun Jónas notast við aðstöðu í tvöföldum bílskúr þar sem hann býr að Heiðargerði 2b. Þrátt fyrir að nú til að byrja með sé Jónas einn er meiningin að hann geti sótt sér bæði mannskap og tækniþjónustu til deildanna á Þórshöfn og Akureyri eftir því sem þurfa þykir.
Hægt er að ná í Jónas í síma 869-2492 eða
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
|
|
Norma Mary heldur til veiða eftir gagngerar endurbætur |
|
Skrifað af: Davíð Hafsteinsson
|
|
Síðan í Janúar hefur frystitogarinn Norma Mary, skip Onward Fishing Ltd, dótturfélags Samherja verið hér við kannt á Akureyri. Skipið fór síðastliðið sumar til Póllands þar sem það var lengt um tæplega 15 metra og skipt um aðalvél. Eftir stækkunina er skipið hið glæsilegasta fley og samsvarar sér mjög vel.
Eftir lengingu sigldi skipið hingað til Akureyrar þar sem frekari lagfæringar og endurbætur voru gerðar á skipinu og verkið klárað.
|
|
Nánar... |
|
|
Skrifað af: Hannes Garðarsson
|
|
Jónas M. Ragnarsson, Sigurður Már Haraldsson og Kristinn Hreinsson frá Rafeyri, Siggeir Stefánsson, Rafn Jónsson og Konráð Jóhannsson frá Ísfélagi Vestmannaeyja.
Rafeyri hefur hafið rekstur útibús á Þórshöfn.
21. mars 2012 undirritaði Kristinn Hreinsson framkvæmdastjóri Rafeyrar samstarfssamning við Ísfélag Vestmannaeyja um rekstur útibús á Þórshöfn. Sigurður Már Haraldsson mun verða starfsmaður Rafeyrar og kemur hann til með að flytja austur með fjölskyldu sína. Ísfélagið ábyrgist rekstrargrundvöll fyrir dagsverki hans en jafnframt mun hann sinna öðrum viðskiptavinum í sveitarfélaginu og nágrenni. Rafeyri mun leggja til aukakraft ef á þarf að halda, bæði með fleiri starfandi höndum og sérfræðiþekkingu.
Uppbygging Ísfélags Vestmannaeyja á Þórshöfn hefur verið samfélaginu við ysta haf mikil lyftistöng og er mikill hugur í mönnum. Um 500 manns búa í Langanesbyggð og fjölgar þar frekar en hitt. Fjárfesting Vestmannaeyinga sýnir fram á tiltrú á staðnum og sama má segja með stofnun þessa útibús Rafeyrar.
Það er von Rafeyrar að gott samstarf verði við íbúa Bakkafjarðar, Þórshafnar og Þistilfjarðar og nú sé hafið tímabil ánægjulegra samskipta. |
|
Skrifað af: Hannes Garðarsson
|
|
Rafeyri ehf. er orðið útgerðarfélag.
Föstudaginn 16. mars, á afmælisdegi Donna, var Reyfari EA 70 sjósettur í Sandgerðisbót. Báturinn er í eigu Rafeyrar en ekki er nú ætlunin að fara að leggja stund á fiskveiðar. Báturinn er hins vegar til sölu og er áhugasömum bent á að hafa samband við Rafeyri, 460 7800.
Báturinn, sem er Seigur S-870, er smíðaður hjá Seiglu en Rafeyri hefur séð um rafmagnsþáttinn í flestum bátum sem Seigla hefur sent frá sér.
Bæklingur Seiglu um S-seríuna.
Teikningar af S-870 bát Seiglu.
Í prufusiglingunni var reynt á rokkinn í bátnum sem er Nannivél 285 hestöfl og gekk hann 32 sjómílur. Hemlunarvegalengd frá fleygiferð í kyrrstöðu, miðað við frásagnir þeirra sem voru um borð, er 0,1 meter.
Myndasafn (smella til að sjá stærri)
|
|
|
|
|
<< Fyrsta < Fyrri 1 2 3 4 Næsta > Síðasta >>
|
|
Síða 1 af 4 |
